Presidenti amerikan Donald Trump deklaroi se Hamasi ka “tre ose katër ditë” kohë për t’iu përgjigjur planit të paqes për Gazën, i prezantuar një ditë më parë në Uashington. “Do t’u japim rreth tre ose katër ditë. Do të shohim si do të shkojë”, tha Trump në përgjigje të një pyetjeje nga gazetarët.
“Të gjitha vendet arabe janë pajtuar. Edhe vendet myslimane janë pajtuar. Izraeli është pajtuar. Tani po presim vetëm Hamasin”, theksoi ai.
“Dhe Hamasi ose do ta pranojë, ose jo dhe nëse jo, do të ketë një fund shumë të trishtuar”, shtoi presidenti amerikan.
Plani 20-pikësh përfshin një “armëpushim të menjëhershëm”, “shkëmbimin e pengjeve të mbetura të mbajtura nga Hamasi me të burgosur palestinezë në burgjet izraelite”, tërheqjen graduale të ushtrisë izraelite nga Rripi i Gazës” dhe “çarmatosjen e Hamasit”.
Po ashtu, parashikon që zona të qeveriset nga një qeveri kalimtare palestineze e përbërë nga teknokratë, nën mbikëqyrjen e një forcë ndërkombëtare.
Zëdhënësi i Ministrisë së Jashtme të Katarit, Majed al-Ansari, tha se Hamasi po e shqyrton planin e paqes për Gazën “me përgjegjësi.”
Leave a Reply