Çmimet e naftës u rritën rreth 1% sot, pasi rritja e prodhimit nga OPEC+ e planifikuar për në nëntor ishte më e vogël se sa pritej, duke zbutur shqetësimet për shtesat e furnizimit, sipas “Reuters”. Megjithatë, pritshmëritë e dobëta për kërkesën pritet të kufizojnë fitimet afatshkurtra.
Nafta “Brent” u mbyll me një rritje prej 94 cent (ose 1,46%*) në 65, 47 dollarë për fuçi, ndërsa nafta amerikane “West Texas Intermediate (WTI)” amerikane u rrit me 81 cent (ose 1,33%**) në 61.69 dollarë për fuçi.
“Tregu ndien se sasia reale e naftës që do të hyjë në treg është shumë më e vogël nga ajo që u njoftua, pasi disa anëtarë të OPEC+ tashmë po prodhojnë në kapacitet të plotë”, tha Andrew Lipow, president i “Lipow Oil Associates”..
Organizata e Vendeve Eksportuese të Naftës (OPEC), së bashku me Rusinë dhe disa prodhues më të vegjël, njoftuan të dielën se do të rrisin prodhimin nga nëntori me 137,000 fuçi në ditë, duke ruajtur të njëjtin nivel si në tetor, mes shqetësimeve të vazhdueshme për një tepricë të mundshme furnizimi.
Në prag të takimit, burimet thanë se megjithëse Rusia mbështeste një rritje prej 137,000 fuçi në ditë për të shmangur presionin mbi çmimet, Arabia Saudite do të kishte preferuar një rritje dyfish, trefish apo edhe katërfish për të rimarrë shpejt pjesën e saj të tregut.
Shtesa e kufizuar në prodhim vjen në një kohë kur eksportet venezuelane janë në rritje, rrjedhat e naftës kurde nëpërmjet Turqisë janë rifilluar, dhe ka fuçi të pashitura nga Lindja e Mesme për ngarkesat e nëntorit, tha analisti i “PVM Oil Associates”, Tamas Varga.
“Arabia Saudite e la të pandryshuar çmimin zyrtar të shitjes për naftën “Arab Light” që i shet Azisë.
Burimet e rafinerive aziatike kishin pritur një rritje të lehtë, por këto pritshmëri ranë javën e kaluar pasi çmimet e naftës së Lindjes së Mesme u ulën në nivelin më të ulët në 22 muaj.
Në afat të shkurtër, disa analistë presin që sezoni i mirëmbajtjes së rafinerive që nis së shpejti në Lindjen e Mesme të ndihmojë në kufizimin e çmimeve.
Ndërkohë, rafineria Kirishi në Rusi, një nga më të mëdhatë e vendit, ndaloi njësinë e saj më prodhuese të përpunimit të naftës pas një sulmi me dron dhe një zjarri më 4 tetor. Sipas dy burimeve industriale, rikuperimi pritet të zgjasë rreth një muaj.
Leave a Reply