Qeveria e Izraelit miraton planin për lirimin e pengjeve

Qeveria e Izraelit miraton planin për lirimin e të gjithë pengjeve, të gjallë dhe të vdekur, sipas negociatave të zhvilluara me Hamas.

Vendimi nuk ishte unanim dhe ai u kundërshtua nga ministrat e ekstremit të djathtë.

Në mbledhjen e kabinetit, të drejtuar nga Netanjhau, morën pjesë edhe negociatorët amerikanë, të cilët ndodheshin në Egjipt gjatë bisedimeve me Hamasin. I dërguari i posacëm i Presidentit amerikan, Steve Witkoff dhe Jared Kushner, dhëndrri i Trump, ndodheshin në mbledhjen e qeverisë.