Trump dhe Putin do të takohen në Budapest

#Trump dhe #Putin ranë dakord, pas një bisede telefonike dyorëshe, të takohen në Budapest të Hungarisë, në një datë që do të përcaktohet më vonë, për të diskutuar mundësinë e përfundimit të luftës në Ukrainë.

Përpara takimit Trump-Putin do të zhvillohet një takim mes këshilltarëve të lartë të Uashingtonit dhe Moskës, ku delegacioni amerikan do të kryesohet nga Sekretari i Shtetit, Marko Rubio.

Nëse Putin do të mbërrijë në #Budapest për të takuar Presidentin Trump (takimi i dytë brenda pak muajsh), kjo do të jetë vizita e tij e parë në një vend anëtar të #NATO-s prej nisjes së luftës në Ukrainë në shkurt 2022.

Të premten në Shtëpinë e Bardhë pritet të mbërrijë Presidenti ukrainas, Volodimir Zelenski, për të biseduar me Presidentin Trump mundësitë e zgjidhjes së krizës.