Shefi i ndihmave të Kombeve të Bashkuara vlerësoi sot (e shtunë) “përmasat kolosale të detyrës” për rivendosjen e kushteve bazë të jetesës në Rripin e Gazës, i cili është kthyer në rrënoja, ndërsa Izraeli mori trupin e një pengu tjetër të 7 tetorit, teksa armëpushimi hyri në javën e dytë.
Mes një autokolone automjetesh të OKB-së, koordinatori i ndihmave Tom Fletcher dhe ekipi i tij kaluan mes rrënojave të ndërtesave të shkatërruara për të inspektuar një impiant të trajtimit të ujërave të zeza në lagjen Sheikh Radwan, në veri të Gazës.
“Kam kaluar këtu rreth shtatë ose tetë muaj më parë, kur shumica e këtyre ndërtesave ishin ende në këmbë, dhe tani, kur sheh shkatërrimin, është e tmerrshme, një pjesë e madhe e qytetit është kthyer në shkretëtirë”, tha ai.
Qytetet e Gazës, me mbi dy milionë palestinezë, janë reduktuar në hi pas dy vitesh bombardimesh dhe luftime të ashpra mes Hamasit dhe ushtrisë izraelite.
Leave a Reply