Irani i ka dhënë fund, zyrtarisht marrëveshjes bërthamore të vitit 2015 – e cila ishte hartuar për të mbajtur rajonin të sigurt nga përhapja e armëve atomike, sipas “The Guardian”.
Teherani njoftoi dje në mbrëmje ndërprerjen e marrëveshjes 10-vjeçare duke thënë se nuk ishte më i detyruar të zbatonte kufizimet e parashikuara në marrëveshjen e vitit 2015, e njohur zyrtarisht si Plani i Përbashkët Gjithëpërfshirës i Veprimit (JCPOA).
Sipas traktatit, të nënshkruar gjatë administratës së ish-presidentit të SHBA-së, Barack Obama, sanksionet ndërkombëtare u hoqën në këmbim të kufizimeve në programin bërthamor të Teheranit.
“Që tani e tutje, të gjitha dispozitat e marrëveshjes së vitit 2015, duke përfshirë kufizimet në programin bërthamor iranian dhe mekanizmat përkatëse, konsiderohen të përfunduara”, tha Ministria e Jashtme e Iranit, në një deklaratë.
“Megjithatë, Irani shpreh fuqimisht angazhimin e tij ndaj diplomacisë”, tha ministria në deklaratë.
Leave a Reply