Turqia dhe Katari nënshkruan të mërkurën një sërë marrëveshjesh dhe një deklaratë të përbashkët në kuadër të takimit të 11-të të Komitetit të Lartë Strategjik. Presidenti turk, Rexhep Taip Erdogan dhe Emiri i Katarit, Sheikh Tamim bin Hamad Al Thani, ishin të pranishëm në ceremoninë e nënshkrimit të disa marrëveshjeve dypalëshe, pas bashkëkryesimit të takimit të komitetit në Doha.
Më herët, të dy udhëheqësit zhvilluan një takim kokë më kokë dhe më pas mbajtën bisedime ndërmjet delegacioneve në Diwanin e Emiratit.
Deklarata e përbashkët “Për takimin e 11-të të Komitetit të Lartë Strategjik ndërmjet Republikës së Turqisë dhe Shtetit të Katarit” u nënshkrua nga ministri i Jashtëm turk Hakan Fidan dhe kryeministri e ministri i Jashtëm i Katarit, Sheikh Mohammed bin Abdulrahman Al Thani.
“Memorandumi i Mirëkuptimit ndërmjet Presidencës për Strategji dhe Buxhet të Republikës së Turqisë dhe Qeverisë së Shtetit të Katarit mbi Bashkëpunimin dhe Shkëmbimin e Eksperiencës në Fusha të Ndryshme të Planifikimit Strategjik të Zhvillimit” u nënshkrua nga ministri turk i Thesarit dhe i Financave Mehmet Simsek, ministri i Tregtisë Omer Bolat dhe sekretari i përgjithshëm i Këshillit Kombëtar të Planifikimit të Katarit, Abdulaziz bin Nasser Al Khalifa.
“Deklarata e Përbashkët Ministrorë ndërmjet Ministrisë së Tregtisë së Republikës së Turqisë dhe Ministrisë së Tregtisë dhe të Industrisë së Shtetit të Katarit” u nënshkrua nga ministri turk i Tregtisë Omer Bolat dhe ministri i katariot i Tregtisë dhe i Industrisë, Sheikh Faisal bin Thani Al Thani.
Ndërkohë, “Memorandumi i Mirëkuptimit për Bashkëpunim në Fushën e Industrisë së Mbrojtjes” u nënshkrua nga kryetari i Agjencisë së Industrisë së Mbrojtjes së Türkiyes, Haluk Görgün, dhe zëvendëskryeministri e ministri i Shtetit për Çështjet e Mbrojtjes i Katarit, Sheikh Saud bin Abdulrahman bin Hassan bin Ali Al Thani.
Leave a Reply