Departamenti amerikan i Thesarit vendosi të sanksionojë dy kompani të mëdha ruse të naftës si pjesë e përpjekjeve të Presidentit #Trump për ndalimin e luftës në Ukrainë. Vendimi synon të rrisë presionin mbi sektorin e energjisë në Rusi dhe të përkeqësojë aftësinë e Kremlinit për të siguruar të ardhura për përballimin e luftës dhe mbështetjen e ekonomisë së dobësuar.
Nga dita e sotme, nën sanksionet amerikane do të jenë kompanitë #Rosneft dhe #Lukoil. Rosneft është një kompani e kërkimit, nxjerrjes, prodhimit, rafinimit, transportit dhe shitjes së naftës, gazit natyror dhe nënprodukteve të naftës, ndërsa Lukoil është e angazhuar në kërkimin, prodhimin, rafinimin, marketimin dhe shpërndarjen e naftës dhe gazit në Rusi dhe jashtë saj.
Bashkë me dy kompanitë gjigande të naftës ruse janë ndëshkuar edhe një rrjet i gjerë kompanish bija që veprojnë apo kanë vepruar në sektorin e energjisë në Federatën Ruse.
Ndërkohë Presidenti Trump njoftoi anulimin e takimit të paralajmëruar me Presidentin rus Putin në Budapest.
Leave a Reply