Dy incidente të ndara brenda 30 minutave kanë përfshirë një helikopter dhe një avion të aeroplanmbajtëses bërthamore amerikane “USS Nimitz” në Detin e Kinës Jugore.
Një helikopter “MH-60R Sea Hawk” ra në ujërat e Detit të Kinës Jugore teksa zhvillonte operacione rutinë nga aeroplanmbajtësja #USSNimitz (CVN 68). Ekipet e kërkim-shpëtimit gjetën dhe nxorrën pa dëmtime nga deti 3 anëtarët e ekuipazhit.
Më pas, një avion luftarak “F/A-18F Super Hornet” gjithashtu u rrëzua në ujërat e Detit të Kinës Jugore, duke kryer operacione rutinë nga e njëjta aeroplanmbajtëse. Të dy pilotët dolën me sukses nga avioni dhe u nxorrën nga deti pa dëmtime nga ekipet e kërkim-shpëtimit.
Ushtria amerikane po heton mbi shkaqet e të dy incidenteve.
Leave a Reply