Kryeministrja e Japonisë, Sanae Takaichi, do të nominojë presidentin amerikan Donald Trump për Çmimin Nobel për Paqe, tha Shtëpia e Bardhë të martën.
Trump është përqendruar gjithnjë e më shumë në Nobelin që prej kthimit të tij në pushtet në janar, duke thënë se ai ka përfunduar disa konflikte në mbarë botën.
Trump më parë është nominuar për çmim nga disa vende, përfshirë Pakistanin, Azerbajxhanin dhe Kamboxhian. Takaichi u takua me Trumpin të martën në mëngjes në Tokio, ku diskutuan çështje ekonomike dhe të sigurisë.
“Brenda një periudhe kaq të shkurtër kohe, bota filloi të gëzojë më shumë paqe”, u tha Takaichi gazetarëve të martën. “Unë vetë u impresionova dhe u frymëzova nga ju, zoti President”, shtoi Takaichi.
Trump deklaroi të martën se marrëdhëniet ShBA-Japoni do të arrijnë forcë të paprecedentë pas takimit me Takaichi në Tokio.
“Unë gjithmonë kam pasur dashuri të madhe për Japoninë dhe respekt të madh për Japoninë, dhe do të them se kjo do të jetë një marrëdhënie që do të jetë më e fortë se kurrë më parë,” tha Trump.
Ai premtoi mbështetje të palëkundur për Tokion, duke i thënë Takaichit se ShBA-ja do të jetë aty për “çdo pyetje, çdo dyshim, çdo gjë që dëshironi, çdo nder që ju nevojitet”, duke i përshkruar të dy kombet si aleatë “në nivelin më të fortë.”
Leave a Reply