Presidenti i SHBA-së, Donald Trump tha në bordin e “USS George Washington”, në Bazën Detare Yokosuka të Japonisë se grupi i parë i raketave për avionët luftarakë F-35 të Japonisë do të mbërrinin këtë javë, duke sugjeruar se dërgesat e mbrojtjes amerikane në Tokio po kryheshin përpara afatit, sipas “Fox News”.
Deklarata e Trump erdhi gjatë një fjalimi njëorësh drejtuar trupave amerikane – si pjesë e udhëtimit të tij më të gjerë në Azi, i cili përfshinte një ndalesë në Malajzi, përpara se te vizitonte Japoninë, ku ai u takua me kryeministren e parë grua të vendit, Sanae Takaichi, dhe nënshkroi një marrëveshje të re kornizë SHBA-Japoni mbi mineralet e rralla të tokës.
Këtë javë, Trump pritet të takohet me presidentin kinez, Xi Jinping.
Uashingtoni ka miratuar disa shitje të mëdha armësh në Japoni, duke përfshirë raketat e avancuara AIM-120 AMRAAM dhe AIM-9X të projektuara për avionët F-35.
Trump vlerësoi aleancën e SHBA-së me Japoninë, duke e quajtur atë një nga marrëdhëniet më të jashtëzakonshme në të gjithë botën. Kryeministri Takaichi, tha se Japonia ishte e përkushtuar për të forcuar aftësinë e saj mbrojtëse dhe e gatshme të kontribuonte në paqen dhe stabilitetin e rajonit.
Trump gjithashtu vlerësoi arritjen e niveleve rekord të tregjeve të aksioneve të Japonisë dhe SHBA-së, duke thënë se kjo ishte një shenjë se të dy vendet po bënin “diçka të drejtë”.
Vizita e Trump nënvizoi thellimin e bashkëpunimit të sigurisë të Uashingtonit me Tokion, ndërsa tensionet rajonale me Kinën dhe Korenë e Veriut vazhdojnë.
Leave a Reply