Balluku në SPAK: Kam pranuar kërkesën për një çështje në hetim

Zëvendëskryeministrja, njëherësh ministre e Infrastrukturës dhe Energjisë, Belinda Balluku është paraqitur sot (e premte) në Prokurorinë e Posaçme.

Pas daljes nga SPAK-u, Balluku u shpreh se kishte pranuar kërkesën e Prokurorisë së Posaçme për një çështje në hetim.

“Në respekt të plotë të organeve të drejtësisë, kam pranuar kërkesën e Prokurorisë së Posaçme për një çështje në hetim. Si qytetare e Republikës së Shqipërisë dhe zyrtare publike e shikoj këtë si një proces, një proces i cili jam shpresëplotë që do të jetë i bazuar mbi transparencë dhe mbi parimet e drejtësisë tek e cila besoj”, deklaroi Balluku për gazetarët.