Fidan takon zyrtarët e Hamasit përpara bisedimeve për paqen në Gazë

Ministri i Jashtëm turk, Hakan Fidan u takua sot (e shtunë) me anëtarët e Byrosë Politike të grupit islamist palestinez, Hamas në Stamboll.

Takimi vjen përpara bisedimeve të planifikuara të hënën midis ministrave të Jashtëm të disa vendeve myslimane për të diskutuar armëpushimin në Gaza dhe hapat e mundshëm të mëtejshëm.

Fidan tha se takimi do të mbledhë ministra nga tetë vende – që u takuan me presidentin e SHBA-së, Donald Trump në Nju Jork në shtator – Turqia, Katari, Arabia Saudite, Egjipti, Emiratet e Bashkuara Arabe, Jordania, Pakistani dhe Indonezia.

“Bisedimet do të përqendrohen në vazhdimin e fazës së dytë të armëpushimit”, dje tha Fidan.

Ministri i Jashtëm turk tha se çështja kryesore ishte formimi i një force stabilizuese.