Maqedonia e Veriut, VMRO fiton në balotazh shumicën e komunave

Partia në pushtet në Maqedoninë e Veriut, VMRO-DPMNE, ka fituar pjesën dërrmuese të komunave në zgjedhjet lokale që përfunduan më 2 nëntor.

Në raundin e dytë të zgjedhjeve lokale, ajo fitoi 21 komuna, ndërsa në raundin e parë 33 komuna. Përveç këtyre, VMRO-DPMNE-ja do ta udhëheqë edhe Qytetin e Shkupit.

Koalicioni qeverisës VLEN ka fituar nëntë komuna, LSDM-ja ka siguruar gjashtë komuna, ndërsa AKI-ja ka fituar katër komuna.

Përveç tyre, nga një komunë do të udhëhiqet nga kandidati i ZNAM-it, kandidati i Unionit të Romëve, si dhe kandidati i pavarur Mendi Qyra.

Në katër komuna të Maqedonisë së Veriut, zgjedhjet lokale kanë dështuar për shkak të mosarritjes së censusit ligjor.