Shqipëria bashkohet me vendet islamike në Lojërat e Riadit

Shqipëria ka vendosur të marrë pjesë në Lojërat e Solidaritetit Islamik, që zhvillohen në Riad të Arabisë Saudite, nga 7-21 nëntor 2025, mes vendeve anëtare të Organizatës së Bashkëpunimit Islamik.

Shqipëria do t’u bashkohet 56 vendeve të tjera e rreth 3 mijë sportistëve dhe do të dërgojë në Arabinë Saudite 10 sportistë nga 6 disiplina të ndryshme, si xhudo, karate, mundje, peshëngritje, ping-pong dhe takuendo.

Qëllimi i këtyre Lojërave është të dëshmojnë bashkimin, diversitetin dhe shpirtin e garës në Botën Islamike. Shqipëria është bërë anëtare e Organizatës së Bashkëpunimit Islamik në vitin 1992, ndërsa më pas niveli i përfaqësimit në aktivitetet e OIC-së është ulur për shkak të mospërputhjes së qëndrimeve diplomatike që Tirana zyrtare duhet të mbajë në përputhje me politikën e jashtme të Bashkimit Europian.