Zohran Mamdani do të jetë kryetari i ri i bashkisë së Nju-Jorkut. Ai fitoi në zgjedhjet e së martës, ku u vu re një pjesëmarrje shumë e lartë e votuesve.
Kjo pjesëmarrje e lartë u ndihmua nga rinia, një grup votuesish ku 34-vjeçari ka përparësi.
Fitorja e bën Mamdanin kryebashkiakun e parë mysliman të Nju-Jorkut , një metropol me më shumë se 8 milionë banorë dhe një nga kundërshtarët më të njohur të presidentit amerikan Donald Trump. Fushata e tij ka tërhequr vëmendje ndërkombëtare, pjesërisht për shkak të mbështetjes së tij për kauzat palestineze në një qytet që ka mbi 1 milion hebrenj dhe propozimet ekonomike.
Megjithatë, Mamdani gëzon mbështetjen e shumë hebrenjve tradicionalisht liberalë të Nju-Jorkut, ndërkohë që të tjerë e kanë akuzuar si anti-semit, një akuzë që ai e mohon fuqishëm. Kryebashkiaku aktual, Erik Adams, ish-demokrat që ka qenë në detyrë që nga viti 2022, tërhoqi kandidaturën për një mandat të ri pas një skandali korrupsioni dhe problemeve të tjera.
Mamdani është një mysliman progresiv dhe identifikohet si socialist. Pikat kryesore të platformës së tij përfshijnë kontrollin e qirasë ose edhe ngrirjen e qirasë si dhe kujdesin ditor dhe transportin publik falas.
I lindur në Ugandë në një familje me origjinë indiane, ai shkoi në Nju-Jork në moshën 7-vjeçare dhe u bë shtetas amerikan i natyralizuar në vitin 2018.
Nëna e tij është regjisorja, Mira Nair dhe babai i tij është profesor në Universitetin e Kolumbias.
Leave a Reply