Senati i SHBA-së miratoi në mesnatë projektligjin e financimit për të përfunduar mbylljen më të gjatë të qeverisë në histori dhe tani masa është duke shkuar në Dhomën e Ulët të Kongresit.
Gjashtëdhjetë senatorë kanë votuar pro projektligjit, ndërsa 40 janë kundër.
Masa do të financojë qeverinë deri në fund të janarit.
Vota shënon një përparim politik pas një bllokimi prej 41 ditësh, i cili ka lënë qindra mijëra punonjës federalë pa pagë dhe ka shkaktuar ndërprerje në shërbimet publike.
Për të hyrë në fuqi, në mënyrë që projektligji të miratohet, duhet të ketë edhe aprovimin e Dhomës së Përfaqësuesve.
Republikanët nën presidentin Donald Trump mbajnë një shumicë të ngushtë në këtë dhomë dhe deri tani vetëm disa kundërshtarë publikisht kanë shprehur rezerva ndaj paketës.
Nëse Dhoma e Përfaqësuesve e miraton këtë plan, atëherë ai do të kalojë te Trump për nënshkrim, një hap i cili konsiderohet zakonisht si formalitet.
Mbyllja e qeverisë filloi më 1 tetor, ndërsa republikanët dhe demokratët nuk arritën të bien dakord për një buxhet të ri federal. Pa një plan shpenzimesh të miratuar nga të dyja dhomat e Kongresit, nuk do të kalojnë fonde tek agjencitë qeveritare.
Leave a Reply