Si fshihet Putin, zyrë të njëjtë në 3 vende të ndryshme

Një investigim i Radios “Europa e Lirë” ka zbuluar se Presidenti rus, Vladimir Putin, përdor tre zyra të mobiluara në mënyrë të njëjtë në tre vende të ndryshme të Rusisë për të fshehur vendqëndrimin e saktë gjatë daljeve televizive.

Një nga zyrat ndodhet në Novo-Ogaryovo, pranë Moskës, një tjetër në Soçi, pikë turistike në Detin e Zi, dhe e treta në Valdai, në mes të rrugës që lidh Moskën me Shën Petërburgun.

Nga verifikimi i rreth 700 videove të Putinit në vitet e fundit dhe deklarimet e disa gazetarëve rusë që e kanë intervistuar, ka rezultuar se Kremlini ka gënjyer me qindra herë për vendndodhjen e Presidentit.