Rezoluta 2803 e Këshillit të Sigurimit të Kombeve të Bashkuara i hap rrugën nisjes së zbatimit të fazës së dytë të planit të paqes të ndërmjetësuar nga presidentit #Trump mes Izraelit dhe Hamasit.
Në fazën e parë u realizua:
Armëpushimi nga palët në luftime, Forca Mbrojtëse e Izraelit dhe Hamasi 
Lirimi nga Hamasi i 20 pengjeve të gjallë
Lirimi nga Hamasi i trupave të pajetë të 27 pengjeve
Lirimi nga Izraeli i 250 të burgosurve me burgim të përjetshëm
Lirimi nga Izraeli i rreth 1700 të burgosurve palestinezë
Kthimi nga Izraeli i disa trupave të pajetë të palestinezëve
Tërheqja e Forcave Mbrojtëse të Izraelit deri në të ashtuquajturën “vija e verdhë”
Rikthimi i mijëra palestinezëve të zhvendosur nga shtëpitë e banimit
Rritja e ndihmës humanitare për banorët e Gazës
Në fazën e dytë do të realizohet:
Ngritja e Bordit të Paqes, nën drejtimin e presidentit #Trump dhe me pjesëmarrjen e disa liderëve botërorë, si administratë mbikëqyrëse qeverisëse tranzitore.
Ngritja e një trupe ekzekutive (qeverie) teknikësh për administrimin e Gazës.
Ngritja e Forcës Ndërkombëtare të Stabilizimit, si trupë ushtarake e përkohshme, me mandat fillestar deri më 31 dhjetor 2027 dhe me rreth 20 mijë ushtarë në përbërje.
Çarmatosja e Hamasit, nëpërmjet dorëzimit të armëve dhe amnistisë/integrimit/largimit vullnetar të luftëtarëve palestinezë.
Tërheqja e pjesshme e Forcave Mbrojtëse të Izraelit deri në të ashtuquajturën “vija e kuqe”.
Sfidat e fazave të mëtejshme, për të cilat ende mungon dakordësia ndërkombëtare dhe avancimi drejt të cilave do të varet ndjeshëm nga ecuria e zbatimit të fazave I dhe II, si dhe fazave pasuese për zhvillimin ekonomik.
Vetëqeverisja e palestinezëve, për të cilën pjesa kryesore e qeverive botërore janë për zgjidhjen me dy shtete (Izrael-Palestinë) dhe njohjen e kufijve sipas linjave të vitit 1967, përfshirë çështjen e Jeruzalemit, ndërsa SHBA-ja ende ka një qëndrim më të frenuar, duke preferuar për momentin autonominë vetëqeverisëse, edhe për shkak të kundërshtimit të ashpër të Izraelit.
Reformimin dhe forcimin e Autoritetit Palestinez dhe vendosjen e autoritetit të tij në #Gaza, me mbështetjen e komunitetit ndërkombëtar dhe përjashtimin e Hamasit nga çdo rol qeverisës në krahinë.
Integrimi dhe bashkimi i Gazës dhe Bregut Perëndimor, si pjesë të një shtetit/autoriteti, duke frenuar cdo ndryshim territorial dhe demografik (ngritjen e vendbanimeve për hebrenjtë), si dhe pushtim apo aneksim në krahinën e Gazës.
Leave a Reply