Kryeministri Edi Rama kritikoi ashpër vendimin e gjykatës për pezullimin nga detyra të zv/kryeministres dhe ministres së Infrastrukturës e Energjisë, Belinda Balluku. Ai e cilësoi vendimin si ndërhyrje në pavarësinë e ekzekutivit, ndërsa paralajmëroi se qeveria do t’i drejtohet Gjykatës Kushtetuese.
“Reforma në drejtësi është një shkëputje historike nga e shkuara, u thye pandëshkueshmëria”, tha Rama, duke shtuar rasti “Balluku” ishte “shfaqje e dobësive të një pushteti të ri dhe reflekseve antidemokratike. “Rast unikal në historinë e Evropës dhe trupave speciale të drejtësisë në vendet e ish-Lindjes komuniste”, tha Rama.
Kryeministri tha se pezullimi i një ministri është akt brutal ndërhyrje në pavarësinë e pushtetit ekzekutiv, ndaj qeveria do t’i drejtohet Gjykatës Kushtetuese. Ai tha se nuk do të ketë lëvizje në qeveri, por do të respektohet vendimi i pezullimit.
“Zbatim pa kushte i vendimit të ministres për pezullimin. Qeveria nuk do të ketë zv/kryeministër dhe ministër të Energjisë në detyrë”, tha Rama.
Leave a Reply