Ministri i Jashtëm iranian, Abbas Araghchi, paralajmëroi të dielën se nëse Izraeli nuk mbahet përgjegjës për sulmin e tij ndaj Iranit, “i gjithë rajoni dhe më gjerë do të vuajë”. Duke folur në Samitin e 17-të të BRICS në Rio De Zhanejro të Brazilit, Araghchi nënvizoi rëndësinë që Izraeli dhe Shtetet e Bashkuara të mbahen përgjegjës për dhunimin e ligjit ndërkombëtar, përfshirë të drejtat e njeriut dhe ligjin humanitar.
“Pasojat e luftës së agresionit SHBA-Izrael nuk do të jenë të kufizuara vetëm te një shtet, por i gjithë rajoni dhe më gjerë, do të vuajë”, u shpreh ai në fjalimin e tij të cituar nga televiozioni shtetëror.
