Erdogan pret në Ankara Papa Leonin XIV

Presidenti turk, Rexhep Tayyip Erdogan, ka pritur kreun e Vatikanit dhe Kishës Katolike, Papa Leoni XIV, në kompleksin presidencial në kryeqytetin Ankara.

Vizita shënon udhëtimin e parë zyrtar të Papës jashtë vendit që nga zgjedhja e tij në krye të Kishës Katolike.

Gjatë një takimi kokë më kokë, presidenti Erdogan dhe Papa Leoni diskutuan marrëdhëniet midis Turqisë dhe Vatikanit, si dhe zhvillimet aktuale rajonale dhe globale, me një fokus të veçantë në situatën në Palestinë.

Më herët, Papa Leoni bëri homazhe në Anitkabir, mauzoleun e Mustafa Kemal Ataturkut, përpara se të pritej zyrtarisht në kompleksin presidencial nga presidenti Erdogan.