Sekretari i Shtetit të SHBA-së, Marko Rubio, planifikon të mungojë në një takim të ministrave të jashtëm të NATO-s në Bruksel javën e ardhshme, thanë dy zyrtarë amerikanë, sipas Reuters. Zëvendëssekretari i Shtetit, Christopher Landau, do të përfaqësojë Uashingtonin në vend të tij, tha një nga zyrtarët, i cili kërkoi të mbetet anonim, për të diskutuar çështje që nuk janë bërë ende publike.
Nuk ishte e qartë pse saktësisht Rubio planifikon të mungojë në takimin e 3 dhjetorit, dhe planet e tij mund të ndryshojnë në momentin e fundit.
Por mungesa e tij e mundshme ndodh në një kohë kur zyrtarët amerikanë dhe ukrainas janë duke u përpjekur të mbyllin diferencat mbi planin e presidentit Donald Trump për të ndalur pushtimin e Ukrainës nga Rusia.
Zakonisht ka dy takime formale të ministrave të jashtëm të NATO-s çdo vit, dhe është jashtëzakonisht e rrallë që një sekretar amerikan i Shtetit të mungojë.
Në vitin 2017, gjatë mandatit të parë të Trump, atëherë, sekretari i Shtetit Rex Tillerson planifikoi fillimisht të mungonte në një takim ne prill megjithëse mbledhja më pas u riorganizua për të përputhur orarin e tij.
Leave a Reply