Delegacionet e Shteteve të Bashkuara dhe Ukrainës po zhvillojnë një raund tjetër negociatash për arritjen e një marrëveshjeje që do t’i jepte fund luftës me Rusinë. Bisedimet po zhvillohen në Majami (Florida), ndërsa delegacioni amerikan kryesohet nga sekretari i Shtetit, Marko Rubio. Në krah të tij ndodhen edhe dy të dërguarit e presidentit Trump, Steve Uitkof dhe Jared Kushner.
Delegacioni ukrainas kryesohet nga Rustem Umerov, i dërguar i Zelenskit dhe më parë ministër i Mbrojtjes.
Pas bisedimeve, Rubio tha se ato ishin delikate dhe të komplikuara, ndonëse mungojnë detajet.
Bisedimet janë fokusuar në planin amerikan për paqen, ndërsa gjatë javës së ardhshme një delegacion amerikan do të udhëtojë drejt Rusisë për të takuar presidentin Putin.
Leave a Reply