Lidhur me Ukrainën, Kina dhe Franca “mbështesin përpjekjet për të arritur një armëpushim dhe për të rivendosur paqen bazuar në të drejtën ndërkombëtare, të vërtetën dhe parimet e Kartës së OKB-së.
Deklarata e Përbashkët mbi Situatën në Ukrainë dhe Palestinën, e publikuar pas bisedimeve në Pekin midis Presidentëve Xi Jinping dhe Emmanuel Macron, thekson zgjidhjen me dy shtete të Izraelit dhe Palestinës në Lindjen e Mesme.
Palët, anëtare të përhershme të Këshillit të Sigurimit të OKB-së, janë të përkushtuara për të kërkuar zgjidhje paqësore dhe konstruktive bazuar në të drejtën ndërkombëtare për sfidat dhe kërcënimet ndaj sigurisë dhe stabilitetit ndërkombëtar.
Deklarata, përfshinte “pikat kryesore” të konvergjencës së arritur nga Kina dhe Franca mbi “dy çështje të rëndësishme” që lidhen me kërcënimet ndaj paqes dhe sigurisë ndërkombëtare.
Ndërsa paragrafi mbi Ukrainën është mjaft i shkurtër, ai mbi krizën në Lindjen e Mesme theksoi thirrjen ndaj Izraelit dhe Hamasit që të “përmbushin menjëherë angazhimet e tyre në lidhje me armëpushimin, duke shmangur çdo veprim që mund të rrezikonte zbatimin e tij të plotë’’.
Në të njëjtën kohë, palët dënojnë me forcë” aktet kundër ligjit ndërkombëtar humanitar, duke përfshirë të gjitha aktet e terrorizmit dhe sulmet pa dallim kundër civilëve”, dhe shprehën urgjencën që krerët e shteteve të ofrojnë “ndihmë në shkallë të gjerë nën mbikëqyrjen e OKB-së, duke siguruar ndihmë të shpejtë, të sigurt, të qëndrueshme dhe të papenguar në të gjithë botën”.
Leave a Reply