Finlanda ka blerë qindra bllokues dhe detektorë dronësh, tha sot ushtria e saj, ndërsa vendet në krahun lindor të NATO-s po forcojnë mbrojtjen e tyre pas pushtimit të Ukrainës nga Rusia, sipas “Reuters”. Dronët janë përdorur gjerësisht në Ukrainë që kur Rusia pushtoi Ukrainën në vitin 2022, por masat për të ndërtuar pajisje kundër dronëve në NATO – janë intensifikuar që kur rreth 20 dronë të dyshuar rusë hynë në hapësirën ajrore polake në shtator dhe u rrëzuan.
Forcat Mbrojtëse të Finlandës kanë blerë qindra bllokues “SkyWiper Omni Max” të prodhuar nga Shërbimi NT me qendër në Lituani.
Bllokuesit, të cilët krijojnë një kupolë mbrojtëse që shtrihet qindra metra për të bllokuar sinjalet e kontrollit, videove dhe navigimit të dronëve, do të vendosen rreth infrastrukturës se rëndësishme siç janë bazat ushtarake.
Përveç bllokuesve, ushtria ka blerë detektorë dore për dronë “Airfence” të prodhuar nga kompania finlandeze “Sensofusion” dhe shënjestra shtesë për pushkë “Smash” nga kompania “Smartshooter” me qendër në Izrael që lehtësojnë shënjestrimin dhe rrëzimin e dronëve.
Finlanda ka një flotë prej gati 1,000 dronësh zbulues, disa prej të cilëve të prodhuar në Shtetet e Bashkuara të Amerikës dhe disa nga kompania finlandezez “Insta” – për qëllime praktike dhe do të trajnojë deri në 500 pilotë të rinj dronësh çdo vit.
Leave a Reply