Aleanca është objektivi i radhës i Rusisë, tha sekretari i përgjithshëm i NATO-s, Mark Rute në Konferencën e Sigurisë në Mynih, sipas “Reuters”.
Rutte këmbënguli se NATO duhej të ishte e përgatitur për tensione dhe përshkallëzim të mëtejshëm.
“Ne jemi tashmë në rrezik… Shumë aleatë të aleancës ushtarake janë të vetëkënaqur në heshtje. Shumë të tjerë nuk e ndiejnë urgjencën e kërcënimit të Rusisë në Evropë. Dhe shumë besojnë se koha është në anën tonë. Jo, nuk është”, tha Rute.
“Koha për veprim është tani”, tha ai, duke theksuar se shpenzimet për mbrojtjen dhe prodhimi i pajisjeve ushtarake nga aleatët duhet të rriten me shpejtësi – për të parandaluar një luftë në shkallën e asaj që kanë parë brezat e kaluar.
Rute gjithashtu nënvizoi se këtë vit, Rusia ishte treguar më e pamatur dhe e pamëshirshme, si ndaj NATO-s ashtu edhe ndaj Ukrainës, duke shtuar se në vitin 2025, Moska kishte lëshuar mbi 46,000 raketa dhe dronë kundër Ukrainës.
Leave a Reply