“Balluku”, Kushtetuesja vendos sot për shqyrtimin e ankesës së Ramës

Gjykata Kushtetuese do të vendosë sot nëse do të kalojë apo jo për shqyrtim ankimimin e kryeministrit Rama ndaj masës së sigurisë “pezullim nga detyra” të zëvendëskryeministres dhe ministres së Energjisë dhe Infrastrukturës, Belinda Balluku, të caktuar nga Gjykata e Posaçme e shkallës së parë kundër Korrupsionit dhe Krimit të Organizuar.

Pas vendimit të gjykatës, kryeministri Edi Rama nuk e shkarkoi nga detyra Ballukun pas pezullimit nga GJKKO, ndërsa iu drejtua Kushtetueses. Qeveria kërkon të zgjidhet mosmarrëveshja e kompetencave e krijuar mes saj dhe GJKKO-së dhe shfuqizimin e vendimit për pezullimin nga detyra.