Pesë persona janë arrestuar nën dyshimin për planifikim sulmi në një treg Krishtlindjesh në Gjermaninë jugore, tha prokurori publik në Mynih. ”Urdhëra arresti zyrtar u lëshuan për katër prej burrave, ndërsa njëri u mor në paraburgim parandalues për planet e dyshuara për të sulmuar një treg Krishtlindjesh në zonën Dingolfingut, në jug të shtetit të Bavarisë”, tha prokurori.
Prokurorët aktualisht dyshojnë për një motiv islamik për sulmin, i cili ndoshta do të kryhet duke përdorur një automjet.
Zyra e prokurorit publik theksoi edhe prezumimin e pafajësisë.
Gazeta ”Bild” kishte raportuar më parë për rastin.
Arrestimet besohet se kanë ndodhur të premten dhe personat u sollën më pas para gjykatës të shtunën.
Sipas zyrës së prokurorit publik, burrat janë një egjiptian 56-vjeçar, një sirian 37-vjeçar dhe tre marokenë të moshës 22, 28 dhe 30 vjeç.
Leave a Reply