E tronditur nga sulmi tragjik në Bondi Beach, shkruan presidentja e Komisionit Evropian, Ursula von der Leyen në X, pas sulmit me 12 viktima në një plazh australian. ”U dërgoj ngushëllimet e mia të sinqerta familjeve dhe të dashurve të viktimave”, shton ajo.
”Evropa qëndron me Australinë dhe komunitetet hebraike kudo që janë. Ne jemi të bashkuar kundër dhunës, antisemitizmit dhe urrejtjes”, përfundon Von der Leyen.
Të paktën 15 persona u vranë të dielën në Sidnej, pas të shtënave në plazhin e famshëm ”Bondi”, tha policia.
Sipas transmetuesit kombëtar australian ABC, njëri nga dy personat e armatosur ishte midis të vdekurve dhe sulmi la gjithashtu 12 persona të plagosur.
”Dy sulmuesit u vranë gjithashtu nga policia”, sipas ”The Australian” në X.
Numri i saktë i njerëzve që hapën zjarr mbi turmën që festonte festën hebraike të Hanukkah në plazh nuk dihet ende.
Rrëfimet e dëshmitarëve okularë dhe informacioni mbeten të errëta.
Leave a Reply