Rrjeti televiziv BBC ka njoftuar se do të mbrohet në padinë prej pesë miliardë dollarësh të ngritur në Florida nga presidenti i SHBA-së Donald Trump për manipulimin e fjalimit të tij në Capitol Hill në vitin 2021 në një dokumentar të transmetuesit publik britanik. “Siç e kemi bërë të qartë më parë, ne do të mbrohemi në këtë rast”, tha një zëdhënës i transmetuesit shtetëror.
Presidenti amerikan Donald Trump ka paditur rrjetin televiziv BBC duke kërkuar 5 miliardë dollarë për redaktimin e gabuar të fjalimit të tij të 6 janarit 2001, të përdorur në një dokumentar të vitit 2024.
Padia e presidentit Trump u ngrit në një gjykatë federale në Miami. Padia e tij po e çon betejën e tij kundër medias përtej kufijve amerikanë.
Në Shtetet e Bashkuara, presidenti prej kohësh u ka shpallur luftë disa mediave duke i etiketuar ato vazhdimisht si ”armike të popullit”.
Ai ka ngritur një sërë padish kundër New York Times, CBS dhe Wall Street Journal të mikut të tij Rupert Murdoch, nga e cila ka kërkuar një miliard dollarë.
Leave a Reply