Gjykata Ndërkombëtare Penale hodhi poshtë sot vendimin e SHBA-së për sanksionet ndaj dy gjyqtarëve, duke theksuar se kryeministri i Izraelit, Benjamin Netanjahu, është objekt i një urdhërarresti të lëshuar nga gjykata që nga nëntori 2024.
”ICC refuzon fuqishëm sanksionet e reja amerikane ndaj gjyqtarëve Gocha Lordkipanidze (Gjeorgji) dhe Erdenebalsuren Damdin (Mongoli)”, thuhet në njoftimin e Gjykatës së Hagës.
Këto sanksione vijnë pas atyre të mëparshmeve që goditën nëntë magjistratë dhe prokurorë të ICC-së.
”Këto sanksione përbëjnë një sulm të hapur ndaj pavarësisë së një institucioni gjyqësor të paanshëm, i cili operon sipas mandatit të dhënë nga shtetet pjesëmarrëse”, tha gjykata.
Gjykata gjithashtu deklaroi se do të vazhdojë të ushtrojë mandatin e saj me pavarësi dhe paanshmëri, në përputhje të plotë me Statutin e Romës, dokumentin e saj themelor.
SHBA-ja theksoi se këto masa janë pjesë e një strategjie për të kundërshtuar hetimet ndaj Izraelit dhe janë vendosur pas votimit të gjyqtarëve për të mbrojtur kompetencën e gjykatës për çështjet që lidhen me krimet e pretenduara gjatë konflikteve në Rripin e Gazës.
Leave a Reply