Udhëheqësi Suprem i Iranit, ajatollah Ali Kamenei ka reaguar për herë të parë ndaj trazirave që kanë përfshirë vendin gjatë shtatë ditëve të fundit dhe ka bërë thirrje për masa të rrepta kundër “rebelëve”.
“Protestat e tregtarëve për zhvlerësimin e monedhës kombëtare dhe kurset e paqëndrueshme të këmbimit janë të justifikuara, por rebelët duhet të vendosen në vendin e tyre”, tha Kamenei në televizionin shtetëror.
”E papranueshme të shfrytëzoheshin protestat civile për të nxitur trazira politike”, shtoi ai duke pretenduar se pas trazirave qëndronin forcat e brendshme dhe të jashtme të Iranit.
”Këto veprime do të kundërshtoheshin me vendosmëri”, tha ai.
Ajo që filloi në Teheran si një protestë kundër vështirësive ekonomike dhe inflacionit astronomik të dielën e kaluar u zgjerua shpejt në trazira mbarëkombëtare, me demonstruesit që u kthyen kundër udhëheqjes islamike dhe Kameneit në veçanti.
Leave a Reply