Presidenti i Venezuelës, Nikolas Maduro dhe bashkëshortja e tij kanë mbërritur në një burg në Bruklin, pas zhvendosjes nga Baza Ajrore e Rojes Kombëtare në Nju-Jork dhe në zyrat e DEA (agjencisë amerikane antidrogë). Ata do të përballen me akuzat për prodhim e trafik droge dhe armësh, gjatë javës së ardhshme në një gjykatë federale në #Manhatan.
Burgu ku ndodhet Maduro ka “strehuar” më parë edhe të tjerë personazhe të rëndësishëm dhe të njohur, si dhe të akuzuar nga vende jashtë Shteteve të Bashkuara.
Maduro dhe bashkëshortja e tij u arrestuan mëngjesin e së shtunës në Karakas, pas një operacioni ushtarak të Shteteve të Bashkuara.
Presidenti amerikan, Donald Trump, i cili tha detaje për operacionin, theksoi se Shtetet e Bashkuara do të “udhëheqin” Venezuelën derisa të ndodhë një tranzicion politik “i sigurt”, pas operacionit të SHBA-së për të kapur presidentin venezuelian, Nicolas Maduro.
“Ne do ta udhëheqim vendin derisa të kemi një tranzicion të sigurt, të duhur dhe të arsyeshëm”, tha presidenti amerikan në një konferencë për shtyp në Florida, duke shtuar se Shtetet e Bashkuara ishin të përgatitura të nisnin “një sulm të dytë, më të madh nëse është e nevojshme”.
Leave a Reply