Rusia ka dëbuar një diplomat britanik nga vendi, duke e akuzuar atë se ka vepruar si spiun. Ministria e Jashtme e Moskës tha se kishte marrë informacion për lidhjen e një punonjësi diplomatik në ambasadë me shërbimin sekret britanik.
Ministria nuk e identifikoi diplomatin, por tha se ai duhej të largohej nga Rusia brenda dy javësh. Ministria paralajmëroi se Rusia do të përgjigjej me vendosmëri në të njëjtën mënyrë nëse Londra e përshkallëzonte situatën.
Si Rusia ashtu edhe Britania e Madhe kanë dëbuar periodikisht diplomatët e njëra-tjetrës nga vendi që nga fillimi i luftës në Ukrainë.
Kohët e fundit, Rusia dëboi një diplomat britanik dhe bashkëshorten e një tjetri në mars të vitit të kaluar, duke pretenduar se dyshja kishte qenë spiunë.
Në përgjigje, Britania e Madhe dëboi një diplomat rus, me sekretarin e atëhershëm të jashtëm, David Lammy që akuzoi Moskën për kryerjen e një fushate të pamëshirshme dhe të papranueshme frikësimi kundër stafit të ambasadës britanike.
Leave a Reply