Irani ka thënë se është “më i përgatitur se kurrë” për t’iu përgjigjur çdo sulmi të mundshëm ndaj vendit, ndërsa tensionet përshkallëzohen në mënyrë dramatike me SHBA-në pas protestave të fundit në Iran. Në konferencën e tij javore për shtyp të hënën në Teheran, zëdhënësi i Ministrisë së Jashtme të Iranit, Esmaeil Baghaei, e përshkroi situatën si një “luftë hibride”, duke iu referuar luftës 12-ditore të qershorit të kaluar dhe protestave të fundit të dhunshme për të cilat Teherani ka fajësuar SHBA-në dhe Izraelin.
Ai tha se kërcënimet dhe “pretendimet e pabaza” vazhdojnë nga ShBA-ja dhe Izraeli, duke cituar deklaratat e fundit të Presidentit të SHBA-së, Donald Trump, si dhe raportet për anijet luftarake amerikane që drejtohen drejt Gjirit, duke vënë në dukje se vendet rajonale e kuptojnë se “paqëndrueshmëria është ngjitëse dhe nuk do të kufizohet vetëm në Iranin”.
Baghaei theksoi një shqetësim të përbashkët midis vendeve fqinje të Iranit në lidhje me pasojat e çdo sulmi ushtarak amerikan, duke i nxitur ato të “marrin një qëndrim të qartë” kundër kërcënimeve të ShBA-së.
Leave a Reply