Presidenti amerikan, Donald Trump, tha se “shpresojmë” që ndërhyrja ushtarake kundër Iranit nuk do të jetë e nevojshme.
“Kemi shumë anije të mëdha dhe shumë të fuqishme që po lundrojnë drejt Iranit tani dhe do të ishte shumë mirë nëse nuk do të na duhej t’i përdornim ato”, u tha ai gazetarëve.
“Shpresojmë që Irani të vijë shpejt ‘në tryezë’ dhe të negociojë një marrëveshje të drejtë dhe të barabartë – pa armë bërthamore – një marrëveshje që është e mirë për të gjitha palët”, tha Trump në një postim para disa ditësh në rrjetet sociale më 28 janar.
“Koha po mbaron! Siç i thashë Iranit edhe më parë, Arrini mareveshje! Ata nuk e bënë, dhe ndodhi Operacioni Çekani i Mesnatës, një shkatërrim i madh i Iranit. Sulmi i radhës do të jetë shumë më i keq!”.
Komanda Qendrore e SHBA-së njoftoi më 27 janar se një grup aeroplanmbajtësish amerikanë, nën drejtimin e USS Abraham Lincoln, ndodhej në ujërat e Lindjes së Mesme.
Leave a Reply