SHBA, shërbimi inteligjent ndryshon rregullat e kontrollit

Shefja e shërbimeve inteligjente të Shteteve të Bashkuara, e cilësuar si kryespiunia amerikane, Tulsi Gabard, njoftoi se do të mbyllte një njësi të posaçme që kishte ngritur një vit më parë për të çrrënjosur politizimin nga agjencitë e inteligjencës. Një masë e kritikuar si mundësi për hakmarrje ndaj zyrtarëve të inteligjencës, të papëlqyer nga administrata #Trump.

Si pjesë e këtij veprimi do të shkrihet Grupi i Iniciativës së Drejtorit, në strukturën e Drejtorit të Inteligjencës Kombëtare, dhe anëtarët e tij do të shpërndahen në detyra të tjera.

Struktura e Zyrës së Drejtorit të Inteligjencës Kombëtare ka qenë temë e debatit mes ligjvënësve për shkallën e lartë të sekretimit dhe Kongresi ka kërkuar nga #Gabard të paraqesë një raport të klasifikuar, ku të përfshihen të dhëna dhe detaje mbi lidershipin, nivelin e stafit dhe praktikat e punësimit.