Kryeministri i britanik, Keir Starmer, ka konfirmuar sërish mbështetjen e tij për planin e paqes të udhëhequr nga SHBA-ja për Gaza gjatë një bisede telefonike me presidentin amerikan Donald Trump. Kjo mbështetje ndodh ndërkohë që sekretarja e Jashtme, Yvette Cooper, do të mbledhë zyrtarë palestinezë dhe izraelitë për të nxitur progres mbi planin e paqes 20-pikësh të presidentit amerikan.
Zëdhënësi i Downing Street bëri të ditur se Starmer dhe Trump biseduan mbrëmë. Ai tha se ”kryeministri theksoi rëndësinë e sigurimit të ndihmës humanitare në rajon dhe shprehu mbështetjen për përpjekjet për zbatimin e planit të paqes të udhëhequr nga SHBA-ja. Të dy liderët konfirmuan angazhimin e përbashkët për promovimin e stabilitetit dhe paqes në Lindjen e Mesme. Ata gjithashtu ranë dakord se Irani nuk duhet të ketë mundësi të zhvillojë armë bërthamore dhe diskutuan për negociatat aktuale mbi Ukrainën”.
Ndërkohë, sekretarja e Jashtme pritet të mbërrijë sot, ku do të kryesojë një takim të Këshillit të Sigurimit të Kombeve të Bashkuara.
Ky takim do të mbledhë së bashku për herë të parë që nga 7 tetori 2023 zyrtarë palestinezë dhe izraelitë, pas sulmit vdekjeprurës të Hamas në jug të Izraelit.
Cooper do të kërkojë progres në zbatimin e planit të paqes të presidentit amerikan, i cili parashikon që Hamas dhe fraksione të tjera të mos kenë rol në qeverisjen e Gazës.
Leave a Reply