Beogradi: Do të ndërtojmë një central bërthamor brenda katër vjetësh

Qeveria serbe synon të fillojë ndërtimin e centralit të saj bërthamor brenda katër viteve për të adresuar krizën energjetike të shpallur prej kohësh, deklaroi ministrja e Minierave dhe Energjisë Dubravka Djedović Handanović. Sipas ministres, plani parashikon përfundimin e fazës së parë deri në mesin e vitit të ardhshëm, e cila përfshin një analizë gjithëpërfshirëse të ndryshimeve të nevojshme legjislative për të hapur rrugën për ndërtimin e një centrali bërthamor.

“Më pas do të përcaktojmë kërkesat teknike, të sigurisë, të personelit dhe të tregut, duke përfshirë të gjithë palët e interesuara, Agjencinë Ndërkombëtare të Energjisë Atomike dhe publikun’’, theksoi ajo.

Më pas, do të fillojë faza e dytë, e cila do të përfshijë përgatitjet për ndërtimin e një centrali bërthamor. I gjithë procesi fillestar përgatitor do të zgjasë afërsisht katër vjet”, theksoi ajo.

‘’Grupi i punës, do t’i bashkohet një Organi Kombëtar të Zbatimit të Programit të Energjisë Bërthamore (NEPIO), i cili pritet të krijohet në javët e ardhshme’’, përfundoi ajo.