Gjermania ripërsërit thirrjen për qytetarët e saj që të largohen nga Irani

Ambasada e Gjermanisë në Teheran ka rinovuar thirrjen për qytetarët gjermanë që të largohen nga Iran, për shkak të rreziqeve në rritje të përshkallëzimit të situatës në rajon.

Në njoftimin e saj, Ambasada Gjermane në Teheran thekson se udhëtimet drejt Iranit nuk rekomandohen dhe se shtetasit gjermanë inkurajohen të largohen nga vendi.

“Situata e sigurisë në Iran dhe në të gjithë rajonin është jashtëzakonisht e paqëndrueshme dhe shumë e tensionuar. Përshkallëzime të mëtejshme dhe përplasje ushtarake nuk mund të përjashtohen. Kufizime të tjera në trafikun ajror, përfshirë anulime fluturimesh dhe mbyllje të hapësirës ajrore, mund të ndodhin në çdo moment,” thuhet në deklaratë.

Ambasada paralajmëron gjithashtu se aktualisht është “në gjendje të ofrojë vetëm asistencë konsullore të kufizuar në terren”.