Zelenski: I panevojshëm riparimi i naftësjellësit “Druzhba”

Presidenti ukrainas, Volodimir Zelenski, e konsideron të panevojshëm riparimin e naftësjellësit “Druzhba” (“Miqësia”), thelbësor për furnizimet ruse të naftës, pavarësisht presionit nga shtetet e BE-së, Hungaria dhe Sllovakia. “Pra, për çfarë? Për ta riparuar për çfarë? Për të humbur njerëz? Dua të them, mendoj se ky është një çmim shumë i madh”, tha Zelenski, në një konferencë të përbashkët për shtyp me presidenten e Komisionit Evropian, Ursula von der Leyen dhe presidentin e Këshillit Evropian, Antonio Kosta në Kiev.

“Ushtria ruse po synon qëllimisht ekipet e riparimit”, tha Zelenski.

Ai e këshilloi kryeministrin hungarez Viktor Orban, i cili po bllokon ndihmën e Ukrainës për shkak të mungesës së furnizimeve përmes tubacionit “Druzhba”, të drejtohet nga Moska.

“Rusia i shkatërroi këta naftësjellës disa herë”, tha Zelenski.

“Orban duhet t’i kërkojë Kremlinit një armëpushim energjetik. Por, nuk mund të jetë kështu që, për shembull, Rusia shkatërron, Ukraina riparon”, theksoi ai.