Irani po kërkon të ndërtojë raketa balistike ndërkontinentale që një ditë mund të arrijnë në Shtetet e Bashkuara të Amerikës, tha sekretari amerikan i Shtetit, Marco Rubio duke e përshkruar programin e raketave të Teheranit si një “kërcënim të paqëndrueshëm”. “Uashingtoni ka vënë re se Irani po zgjeron rrezen e raketave që tashmë janë në arsenalin e tij”, u tha Rubio gazetarëve në Basseterre, kryeqytetin e Shën Kitsit dhe Nevisit.
“Ishte e qartë se Irani është në rrugën e duhur që një ditë të jetë në gjendje të zhvillojë armë që mund të arrijnë ne SHBA”, tha ai.
“Irani tashmë zotëron armë të afta për të kërcënuar pjesë të mëdha të Evropës”, tha Rubio.
Sekretari amerikan i shtetit shprehu gjithashtu habinë që Teherani ka vazhduar të investojë në raketa me rreze të gjatë veprimi pavarësisht sanksioneve dhe vështirësive të rënda ekonomike.
“Ky është një kërcënim i paqëndrueshëm”, tha Rubio, i cili shërben gjithashtu si këshilltar i sigurisë kombëtare i presidentit të SHBA-së, Donald Trump.
Duke folur përpara një raundi tjetër bisedimesh midis SHBA-së dhe Iranit në Gjenevë, Rubio tha se diplomacia nuk ishte kurrë jashtë tryezës dhe se Trump preferonte zgjidhjet diplomatike.
Leave a Reply