Shtetet e Bashkuara dhe Izraeli kanë nisur një sulm masiv ushtarak kundër Iranit. Presidenti amerikan, Donald J. Trump, tha në një mesazh, se ka nisur një sulm masiv kundër Iranit, ndërsa ftoi qytetarët e Iranit të marrin në dorë vendin e tyre kundër sulmi të përfundojë.
Ndërkohë, ministri izraelit i Mbrojtjes, Israel Katz deklaroi se operacioni kishte si qëllim “eliminimin e kërcënimeve ndaj Shtetit të Izraelit”, ndërsa shpalli një “gjendje të posaçme dhe të përhershme emergjence” në të gjithë vendin, në pritje të një kundërpërgjigjeje të mundshme iraniane me raketa.
Mediat shtetërore iraniane raportuan shpërthime në lindje dhe veri të Teheranit, ndërsa pamje të publikuara tregojnë re tymi mbi kryeqytet. Agjencia “Fars” dhe televizioni shtetëror IRINN konfirmuan sulmet, duke njoftuar për shpërthime të reja gjatë mëngjesit.
Sirenat e alarmit u dëgjuan në mbarë Izraelin rreth orës 08:15 me orën lokale, duke paralajmëruar për rrezikun e një sulmi me raketa. Qeveria izraelite njoftoi qytetarët se Irani ka nisur një sulm me raketa kundër Izraelit, në shenjë hakmarrjeje.
Leave a Reply