Si CIA e ndoqi Khamenein deri në momentin e ekzekutimit

Gjithçka dukej si pritje për rezultatin e negociatave mes Shteteve të Bashkuara dhe Iranit për programin bërthamor të Teheranit, në fakt ka qenë një operacion i mirëmenduar mes #CIA-s dhe #Mossad-it, në koordinim me liderët politikë, për gjetjen e momentit të përshtatshëm për të ekzekutuar Udhëheqësin Suprem, ajatollahun Ali Khamenei.

#Khamenei është vlerësuar nga analistët e shërbimeve të inteligjencës si objektivi më i rëndësishëm, një alternativë e diskutuar edhe gjatë Luftës së 12 ditëve në qershor 2025.

Shërbimi Qendror i Inteligjencës (CIA) mësohet se ka qenë prej kohësh në gjurmim të ajatollah Khameneit, duke grumbulluar informacione për vendndodhjen dhe lëvizjet e tij. Në ndjekje të Liderit Suprem, CIA është vënë në dijeni për zhvillimin e një mbledhjeje të shtunën në mëngjes (28 shkurt) mes drejtuesve kryesorë, në një kompleks në qendër të Teheranit. Çfarë i dha peshë të veçantë informacionit, ishte konfirmimi për pjesëmarrjen e vetë Ali Khameneit.

Sipas medias ndërkombëtare, nisur nga informacioni i CIA-s, #SHBA dhe #Izraeli kanë vendosur ta përshtasin kohën e sulmit ushtarak, në varësi të të dhënave të inteligjencës. Eliminimi i Liderit Suprem është vlerësuar si një mundësi dhe fitore, kritike dhe e shpejtë, në procesin e ndërrimit të pushtetit në #Iran.