Delegacioni i Bashkimit Evropian reagoi për protestën e djeshme të opozitës, duke theksuar se e drejta për tubim paqësor është një shtyllë themelore e çdo shoqërie demokratike. “Ajo duhet të ushtrohet me përgjegjësi, në respekt të plotë të sundimit të ligjit dhe të sigurisë së të gjithë individëve”, tha Delegacioni i BE-së.
Në këtë kuadër, Delegacioni i BE-së shprehu shqetësim për “aktet e fundit të dhunës në Tiranë, të cilat rrezikuan jetë njerëzish”.
Delegacioni i BE-së u bëri thirrje aktorëve politikë të tregojnë vetëpërmbajtje. “Ne mbështesim angazhimin konstruktiv në funksion të reformave të rëndësishme në rrugën e Shqipërisë drejt Bashkimit Evropian”, tha Delegacioni i BE-së.
Leave a Reply