Ambasadori i Iranit në Britaninë e Madhe Seyed Ali Mousavi, ka paralajmëruar Londrën të tregojë kujdes maksimal në lidhje me përfshirjen e mundshme në konfliktin mes Iranit dhe aleancës SHBA-Izrael. Në një intervistë të regjistruar më parë për emisionin e Laura Kuenssberg në BBC, diplomati iranian theksoi se Irani do të kishte “të drejtën e vetëmbrojtjes” nëse Britania e Madhe do të bashkohej drejtpërdrejt me sulmet kundër vendit të tij.
Mousavi deklaroi se Teherani pret që qeveria britanike dhe aleatët e saj të veprojnë “me shumë delikatesë dhe kujdes”, duke paralajmëruar se çdo përshkallëzim mund të ketë pasoja të rënda për rajonin.
Britania e Madhe i ka dhënë leje Shteteve të Bashkuara të përdorin bazat britanike për atë që ministrat e përshkruajnë si operacione mbrojtëse ndaj objektivave iraniane, por deri tani nuk ka marrë pjesë në sulme të drejtpërdrejta. Ambasadori iranian e cilësoi “pozitive” faktin që Londra nuk është përfshirë drejtpërdrejt në atë që ai e quajti “agresion”, duke shtuar se beson se qeveria britanike ka nxjerrë mësime nga pushtimi i Irakut në vitin 2003.
Leave a Reply