Të paktën 64 persona u vranë dhe 142 të tjerë u plagosë sot nga sulmet ajrore izraelite në Bejrut dhe zona të tjera të Libanit, njoftuan autoritetet. Sulmet izraelite goditën qendrën e Bejrutit, ku u vranë të paktën katër persona, ndërsa po rritt frika për një ofensivë tokësore izraelite në Liban. Mediet libaneze publikuan pamje të disa kateve të shkatërruara të një ndërtese banimi në kryeqytet. Ministria e Shëndetësisë bëri të ditur se edhe katër persona të tjerë u plagosën në këtë sulm.
Ndërkohë, sulme të rënda goditën zona të ndryshme në jug dhe lindje të Libanit, duke shkaktuar viktima të shumta dhe dëme të mëdha materiale.
Sipas Ministrisë së Shëndetësisë, bilanci i përgjithshëm i viktimave që nga fillimi i dhunës javën e kaluar ka arritur në 634 të vrarë dhe 1 586 të plagosur.
Ushtria izraelite tha në një deklaratë se kishte kryer sulme në periferinë jugore Dahiyeh të Bejrutit, duke synuar qendra komanduese dhe depo armësh të milicisë “Hezbollah”, e mbështetur nga Irani.
Agjencia Kombëtare e Lajmeve e Libanit (NNA) raportoi se sulmet vazhduan edhe në jug të vendit dhe në Luginën Bekaa në lindje, ku zyrtarët thanë se të paktën 14 persona u vranë dhe 29 të tjerë u plagosën.
Hezbollah tha se kishte sulmuar trupat izraelite në jug të Libanit me raketa disa herë të martën në mbrëmje dhe gjatë natës.
Leave a Reply