Presidenti i SHBA-së, Donald Trump u bëri thirrje vendeve të ofrojnë mbështetje ushtarake për të ndihmuar në sigurimin e kalimit të sigurt për anijet tregtare përmes Ngushticës së Hormuzit. “Në një mënyrë ose në një tjetër, së shpejti do ta hapim Ngushticën e Hormuzit. Do të jetë e sigurt dhe e lirë”, shkroi ai në platformën e tij “Truth Social”.
“Shpresojë që Kina, Franca, Japonia, Koreja e Jugut, Britania e Madhe dhe vende të tjera – do t’u bashkohen Shteteve të Bashkuara të Amerikës – në dërgimin e anijeve në ngushticën midis Iranit dhe Omanit”, tha Trump.
Rruga përmes rrugës së ngushtë ujore – jetik për eksportet globale të naftës – pothuajse është shembur gjatë luftës me Iranin, duke çuar në rritje të çmimeve. Pas konsultimeve të G7, presidenti francez, Emmanuel Macron tha këtë javë se grupi po përgatiste një mision detar për të shoqëruar cisternat e naftës dhe anijet e mallrave përmes ngushticës.
Ndërsa Macron ka qenë nxitësi i nismës, kancelari gjerman Friedrich Merz tha se nuk e shihte të nevojshme një vendosje ushtarake ndërkombëtare.
Trump u tha dje gazetarëve se anijet luftarake amerikane do të fillonin “së shpejti” shoqërimin e cisternave të naftës përmes ngushticës.
Leave a Reply