Zelenski në Londër për bashkëpunimin ushtarak kundër dronëve

Presidenti i Ukrainës, Volodimir Zelenski, ka mbërritur në Londër për të zhvilluar takime me kryeministrin britanik, Keir Starmer dhe sekretarin e përgjithshëm të NATO, Mark Rute, njoftoi zëdhënësi i presidencës ukrainase. Zelenski gjithashtu u takua me mbretin Charles III në Pallatin Buckingham dhe iu drejtua anëtarëve të parlamentit britanik”, bëri të ditur zëdhënësi Sergi Nykyforov.

Downing Street ka njoftuar paraprakisht se Britania e Madhe dhe Ukraina synojnë të nënshkruajnë një partneritet në fushën e mbrojtjes, i cili synon ndër të tjera përmirësimin e përgjigjes ndaj kërcënimit nga dronët me kosto të ulët.

Presidenti ukrainas kërkon të vërë në pah përvojën që vendi i tij ka fituar në interceptimin e dronëve të prodhimit iranian, të cilët Rusia i përdor për sulme të përditshme ndaj Ukrainës dhe që, sipas tij, po përdoren gjithashtu nga Irani kundër vendeve të Gjirit.

Ndërkohë, lufta në Lindjen e Mesme ka ndërprerë përpjekjet diplomatike të udhëhequra muajt e fundit nga Shtetet e Bashkuara të Amerikës për t’i dhënë fund konfliktit në Ukrainë, e cila po përballet me pushtimin rus prej më shumë se katër vitesh.